നാട്ടരങ്ങിന്റെ നാളുകൾ (2 ) ഞാൻ എം . എ യ്ക്ക് പഠിക്കുന്ന കാലം . യുവകലാ സാഹിതിയുടെ കരമന യൂണിറ്റിന്റെ പ്രെസിഡന്റാണ് അന്ന് . സെക്രെട്ടറി സക്കീർ ഹുസൈൻ . എന്റെ ജൂനിയറായി യൂണിവേഴ്സിറ്റി കോളേജിൽ പഠിക്കുന്നു . യൂണിറ്റിന്റെ ഉദ്ഘാടനം കഴിഞ്ഞിട്ടില്ല . ആയിടയ്ക്ക് സാഹിതിയുടെ ഒരു യോഗത്തിൽ വച്ച് ശ്രീ തിക്കുറിശ്ശിയുടെ രൂപ സാദൃശ്യമുള്ള ഒരാളെ കണ്ടുമുട്ടി . സംഘടനയുടെ സംസ്ഥാന വൈസ് പ്രസിഡന്റ് ആണത്രേ . അദ്ദേഹം പറയുന്നു : “ ഒരു വരി കവിതയോ കഥയോ എഴുതിയ ആരെയും സാഹിത്യകാരനായി അംഗീകരിക്കാൻ ഞാൻ തയ്യാറാണ് !” കൊള്ളാമല്ലോ കക്ഷി ! തീർന്നില്ല...,അടുത്ത വാചകം. ഇങ്ങനെ : “നിങ്ങൾ എന്നെ വിളിക്കു , എവിടെ വേണമെങ്കിലും വിളിക്കൂ .., ഞാൻ വരാം പ്രസംഗിക്കാനും കവിത ചൊല്ലാനും ഒക്കെ ഞാൻ റെഡി . നിങ്ങൾ എനിക്ക് ഒരു ചിലവും ചെയ്യണ്ട !” അതും കൊള്ളാമല്ലോ !! ഇവിടെ, യൂണിറ്റ് ഉദ്ഘാടനത്തിന് ആരെ വിളിക്കു...
